Американски палачинки
Состојки
- 4 јајца
- 100 гр. шеќер
- 100 гр. путер
- 500 мл. млеко
- 400 гр. брашно
- 1 ќесичка ванилин шеќер
- 1/2 лажица сол
- 12 гр. прашок за пециво
- чоколадо за готвење, чоколаден крем, јагоди
Подготовка
Во длабок сад ги ставаме јајцата и шеќерот матиме со жица за матење и го додаваме млекото,потоа го топиме путерот чекаме малку да се олади па го додаваме во претходно матените јајца, шеќер и млеко, сето тоа го промешуваме. Кон садот додаваме брашно, сол, ванилин шеќер и прашок за пециво. Матиме додека смесата не стане полугуста и мазна. Го загреваме тавчето на рингла, но треба да се внимава температурата да не е многу јака. Во тавчето се става пола кутлача од смесата. Едната страна на палачинката се пече околу една минута односно додека не се појават сите меурчиња на површината, па ја вртиме на другата страна и печеме пола од времето кое што било потребно за да се испече првата страна.
Забелешка - ова е дупла доза, па можете да ја направите доколку сте расположени за многу благо.