Ориз со зеленчук
Состојки
- Состојки
- 1 чаша ориз
- 2 млади кромидчиња
- 1 морков
- 1 пиперка
- 150 гр грашок
- 150 гр пченка
- Потребно е уште сол, црн пипер, зачин од сушен зеленчук, магдонос, зејтин
Подготовка
Оризот со зеленчук може да се конзумира самостојно како посно јадење или како додаток на главно јадење.
На зејтин во тава го запржуваме кромидчето, пиперката и морковот исечени на ситно. Кога ќе се запржат се додава исчистениот и измиен ориз и тој во тавата се запржува за да стане стаклест. Додека го запржуваме зеленчукот загреваме 4 шољи вода(истата со која го меревме оризот од 150 милилитри).
Кон оризот додаваме сол, црн пипер, зачин од сушен зеленчук и тоа го префрламе во тавата во која ќе го печеме оризот. Полеваме со врелата вода, ги додаваме пченката и грашокот(ставив од конзерва), додаваме магдонос, се заедно мешаме и ја ставаме тавата во загреана рерна на 200 степени. Се пече додека да испари течноста или околу 30 минути.
На здравје.