Домашна вегетаријанска пица
Состојки
- 200 мл топло млеко
- 1/2 квасец
- 1/2 лажица шеќер
- 1 лажица сол
- брашно по потреба
- 30 мл масло
- 150 гр рендан кашкавал
- 100 гр мешавина грашок, пченка, морков
- 4 маслинки
- 1 лажица оригано
- 1 лажица сусам
- 30 гр путер
- 2 полни лажици кечап
- 1 кафена лажица лук во прав
- 1 зелена лута пиперка
Подготовка
Подготовка
- Во длабок сад, ставете го топлото млеко со шеќерот и солта. Потоа додадете го квасецот (претходно растопен со малку млака вода) и промешајте убаво. Почнете да додавате од брашното по малку и мешајте прво со лажица. Потоа, кога веќе ќе биде многу густо, замесето го тестото со рака. Во текот на месењето, додавајте го и маслото. Замесете убаво меко тесто и оставете го да одмори и да стаса.
Јас, на овој начин секогаш го замесувам тестото за пица, па и за кифлички и ми излегува ПРЕКРАСНО меко и многу вкусно тесто.
Тестото за пица растегнете го и ставете го во намрсена и набрашнета тава. Убаво распоредете го, да биде рамномерно и тенко.
Премачкајте со кечап, ставете го изренданиот кашкавал, мешавината, маслинките, ориганото, сусамот, сецканата зелена лута пиперка, лукот во прав. Путерот распоредете го на целата пица по мали парченца.
Печете во загреана рерна на 250 степени околу 15-20 мин
Добар апетит!