Плескавици со лосос и компири
Состојки
- 1 кг Компири
- 400 гр Лосос
- 1 Јајце (изматено)
- 120 гр Брашно
- 1/2 главица Кромид
- 2 лажици Свеж копар
- 1 1/2 лажица Кари во прав
- 200 гр Лебни трошки
- Масло и сол
Подготовка
Компирите се ставаат во поголем сад со вода да се варат околу 15 мин или додека омекнат.
Во меѓувреме лососот се посолува и се пржи по околу 3 мин од двете страни, а потоа се дроби со вилушка.
Кога компирите ќе се сварат, се оставаат да се изладат а потоа се прави пире.
Во садот со пирето од компири се додава лососот, едно изматено јајце, ситно исецкан кромид, брашно, копар, кари и малку сол.
Се добро се меша и од смесата се прават помали плескавици. Така направените плескавици се валаат во лебни трошки и се пржат во тава со масло.
Се послужуваат со салата од домати краставици.