Печена пастрмка со зеленчук
Состојки
- Состојки
- 600 гр риба пастрмка (2 парчиња)
- 1 главица кромид
- 2 моркови
- 4 компири
- 5 чешниња лук
- 150 мл бело вино
- 1 лимон
- Од зачини сол,магдонос
- Сос од лук
- 1 главица лук
- 1/2 китка свеж магдонос
- 1 лажица сол
- 1 лимон-сок
- 1 лажица јаболков оцет
- 2 лажици маслинов зејтин
Подготовка
Пастрмката убаво исчистена и измиена ја посолуваме внатре и однадвор и ја ставаме во тава во која ќе ја печеме. Посипуваме врз неа зејтин (околу 3 лажици). Ја засекуваме на неколку места и таму ставаме половина чешне лук. Зеленчукот го сечеме на парчиња и го ставаме околу рибата. Полеваме со сок од 1 лимон и со белото вино и поросуваме со свеж магдонос. Рибата ја ставаме да се пече на 200 степени околу 45 минути.
Во мегувреме го подготвуваме сосот. Лукот го толчиме со 1 лажица сол. Додаваме свеж магдонос и пак толчиме. Потоа додаваме сок од лимон,оцет и маслинов зејтин. Со сосот ја полеваме рибата пред служење.