Чоколадни кафе крофни од апарат
Состојки
- 50 гр стопено чоколадо
- 75 гр шеќер
- 1 рамна лажица нескафе + 25гр вода
- 50 мл млеко
- 1 јајце
- Прстофат сол
- 1/2 лажичка екстракт од ванила
- 3 лажички масло
- 1/2 лажичка сода бикарбона
- 1/2 лажичка прашок за пециво
- 150 гр брашно
- За глазура
- 100 гр бело чоколадо + 1 лажица масло
Подготовка
Чоколадо може да се користи било какво. По рецептот се подразбираше за готвење, па како имав само милка, стопив такво млечно. Во ѓезве се вари нескафето со водата и шеќерот, па се додава млекото. Во стопеното чоколадо се додава маслото и спременото кафе со млекото. Се додаваат останатите работи, па јајцето и на крај брашното. Се меша и се добива една убава глатка смеса која се пече во апаратот за крофни претходно намрсен. Белото чоколадо заедно со маслото се топи и во него се макаат чоколадните крофнички. Јас искористив бело чоколадо заради контрастот, но верувам дека уште повкусни и почоколадни ќе бидат и со црно чоколадо.