Крцкав печен компир со вино
Состојки
- 1 кр компир
- 250 мл бело вино
- 2 лажички црн бибер
- 250мл масло
- За вриење
- 1 литар вода
- 1 лажица сол
- 4 лажици масло
- За зачинки
- 1-2 лажици мешан сув зачин, црн бибер,чубрика, се по вкус кој што сака.
Подготовка
Порано како главно јадење, а денес како прилог на се останато.
Начин на подготовка од кој ќе се воодушевите од мекоста на компирот.
Вкусот за мене одличен.
1 кг компир
Компирот го миеме и лупиме. Го делиме на четвртинки.
Во сад на оган ставаме 1 литар вода и 1 лажица сол да поврие.
Ги ставаме и компирите.
Од како ќе проврие водата варите уште 8 до 10 минути, па ги цедите од водата.
Додавате 4 лажици масло и зачин по желба.
Во тавата каде ќе печеме попрскуваме масло.
Налеваме 1 чаша бело вино и ги префрламе компирите.
Распоредуваме насекаде. Ставаме да се печат околу 30 минути на 200 степени.
Ако сакате повеќе поруменети оставете ги подолго. На здравје