Освежителен колач со бисквити (без печење)
Состојки
- 400 гр бисквити на Винчини
- 300 мл Слатка павлака
- 150 мл Кисела павлака
- 100 мл Шлаг крем (или шлаг пена)
- 2 Банани
- 3 Праски (свежи или компот)
Подготовка
Прекрасен освежителен колач, за секој дел од денот.
100гр од бисквитите сомелете ги.
Шлаг кремот пригответе го според упатството на кесичката.
Изматете ја слатката павлака во цврст снег, додајте го шлагот и киселата павлака и убаво изматете.
Ваквата смеса поделете ја на два дела , во едниот додајте ги мелените бисквити. Останатите бисквити натопете ги кратко во млеко, и наместете ги како подлога за прекрасен колач.
Врз нив ставете ја смесата со мелените бисквити, и преку ваквиот фил ставете ги бананите исечени на кругови и праските на тенки парчиња. Преку овошјето нанесете го останатиот дел од филот и декорирајте по желба.
Толку едноставно, а толку вкусно!