Тавче гравче со спанаќ и суви пиперки
Состојки
- 600 гр грав
- 500 гр спанаќ
- 4 суви пиперки
- вода по потреба
- 1 главица кромид
- 3 супени лажици брашно
- 1 супена лажица црвен пипер
- 1 кафена лажица буковец
- 1 кафена лажица мешан сув зачин
- сол по потреба
- масло по потреба
- нане по потреба
Подготовка
Подготовка
Најпрво, ставете го гравчето, водата и исецканите суви пиперки да се варат. При крајот на варењето додадете го исецканиот спанаќ. Додадете сол, буковец, мешан зачин нане.
Во загреано масло ставете го исецканиот кромид и пржите додека зарумени кромидот. Додадете го брашното, промешајте убаво да нема грутчиња, потоа додадете црвен пипер. Кога ќе добиете еднолична смеса,додадете ја во гравчето. Така, нека поврие уште десетина минути, а потоа претурете во тава и печите во рерна околу 15 минути.
Добар апетит!