Колач со прелив од вишни (без печење)
Состојки
- подлога
- 3 лажици кокосово масло
- 2 лажици какао
- 2 лажици путер од кикиритки
- 2 лажици мед
- 1 1/2 шолја овесни снегулки
- 4 лажици варена киноа
- 50 гр сецкани урми
- 3 лажици млеко
- прелив
- 150 гр вишни
- 2 лажици кокосово масло
- 2 лажици мед
- 2 лажици какао
Подготовка
1. Во сад на тивок оган ги ставаме кокосовото масло, какаото и путерот од кикиритки. Мешаме додека да се растопат состојките.
2. Овесните снегулки ги блендираме во блендер на најситно.
3. Садот го тргаме од оган и во него ги додаваме овесните снегулки, медот, варената киноа, сецканите урми и млекото промешуваме.
4. Смесата ја ставаме во кружен силиконски калап, ја тапкаме и ја оставаме во фрижидер да се стегне.
5. Во меѓувреме го правиме преливот. Во блендер ги ставаме вишните, блендираме. Во длабок сад ги ставаме вишните, кокосовото масло, медот и какаото. промешуваме. Смесата ја ставаме врз колачот. Украсуваме со листови кокос. Оставаме да се излади и послужуваме.