Маринирано потпечено пилешко со рузмарин и оригано
Состојки
- 800 гр. пилешки копан со надкопан
- За маринада
- 2 лажици мајонез
- 1 лажица сенф
- 1/2 лажиче сушен рузмарин
- 1/2 лажиче оригано
- малку масло
- по вкус сол, мешан сув зеленчук, мелен црн пипер
- Плус
- 1 кг. компири
Подготовка
Уште еден рецепт за пилешко...пилешко на 1001 начин.. )))
Во длабоко чинивче се мешаат мајонезот, сенфот, рузмаринот и ориганото.
Копанчињата се мијат, бришат со кујнска хартија, се попрсуваат со масло, посолуваат со сол, мешан сув зеленчук, мелен црн пипер. Потоа со маринадата убаво се премачкуваат и се оставаат да отстојат во фрижидер најмалку 2 часа.
Во соодветна тава се ставаат компирите, попрскуваат со масло и зачини по желба, кој што најчесто си ги користиме, се мешаат.
Во средината се редат копанчињата и се полеваат со остатокот од маринадата.
Се печат во загреана рерна додека убаво поруменат, на 200 околу 1 час.
Компирите стануваат многу вкусни, попримаат од соковите на маринираното пилешко во текот на печењето.
На здравје!