Мини хроно пици (посно)
Состојки
- 100 гр интегрално пченично брашно
- 50 гр ржано брашно
- ½ лажичка сол
- 3 лажици маслиново масло
- 1 чајна лажичка пециво
- 2 лажички куркума
- 100 мл кисела вода
- За фил
- 3 млади кромидчиња
- 6 лажици ајвар
- 6 маслинки
Подготовка
Хроно пецивата се добри и брзо се прават зошто кај нив нема стасување. Месиш филуваш печеш. Толку. Спремни и готови за појадок или вечера.
Подготовка
1. Сите суви состојки за тестото се соединуваат.
2. Го додаваме маслиновото масло и постепено киселата вода. Мешаме со лажица.
3. Кога тестото ќе стане доволно густо го замесуваме со рака.
4. На набрашнета површина го расукуваме тенко(околу 5 мм) и со соодветен калап или чаша сечеме кругови.
5. За филот ситно го сечкаме кромитчето, па додаваме сечкани маслинки и на крај соединуваме со ајвар.
6. Калапот за мафини го намрсуваме и набрашнуваме. Ги ставаме круговите тесто во него.
7. Секое тестенце го полниме со филот.
8. Ги печеме во загреана рерна на 180-200 степени околу 20 минути.
Забелешка
Големината на круговите од тесто треба да ни биде колку што е кругот на калапот за мафини или малку поголем(во зависност какви калапи имате). Од оваа доза ми излегоа десет вакви мини пици.