Вртени полжав кифли
Состојки
- За тесто
- 1 кг брашно
- 60 гр компирови снегулки
- 180 мл масло
- 700 мл вода
- 2 квасци
- 1 лажица сол
- 2 лажици шеќер
- За фил
- 2 јајца
- 200 гр сирење или урда
- за премачкување
- 1 јајце
- сусам по вкус
Подготовка
Полжав кифли...Одлични за појадок, а кога ќе успеам навреме да ги смрзнам, па и како ужинка за на училиште, за моиве малишани.
Подготовка
1. Се замесува тестото од сите состојки со млака вода и го оставаме да стаса.
2. За филот ги матиме јајцата со вилушка, па го додаваме здробеното сирење и соединуваме.
3. Откако тестотот ќе стаса го делиме на 4 дела и секој дел го расукуваме во круг.
4. Кругот го сечеме на 4 дела и на секој ставаме од филот па го виткаме како кифла.
5. Оваа долга кифла ја вртиме во круг за да добие форма како полжав-куќичка.
6. Ги редиме во намрсена тава и ги оставаме да стасаат околу 15 минути или додека да се загрее рерната на 200 степени.
7. Пред печење ги мачкаме со разматено јајце и ги посипуваме со сусам.
Забелешка
Ако ги замрзнувате направете го тоа додека се топли.