Лумумба
Состојки
- 400мл + 6 лажици млеко
- 3 лажици какао
- 7 лажички шеќер
- 80мл рум, амарето или бренди
- 1 шлаг пена
- по желба мини машмелоус, чоколадни капки, рендано чоколадо
Подготовка
Напиток која на многумина им е познат од германските Божиќни панаѓури. Името можеби звучи како волшебна напивка, ама пак на некој начин, навистина е така -). Кога се во прашање студени нозе и раце, или суво грло, ништо друго не помага подобро од овој пијалок. Јас ја нарекувам топла чоколада за возрасни -)
Подготовка
Млекото ставете го да се загрева. Во 6 лажици млеко ставете го шеќерот и какаото и измешајте убаво за да нема грутки. Ова смеса ставете ја во затопленото млеко и со повремено мешање оставете млекото да зоврие. Тргнете на страна и додадете го алкохолот. Сервирајте топло во чаши и одозгора ставете изматена шлаг пена. Украсете по желба.
Забелешка
За безалкохолна верзија, едноставно количината на алкохол заменете ја со млеко.