Испечати

Чоколадни мафини со бисквити

Чоколадни мафини со бисквити

Состојки

  • 1 чаша мелени Винчини бисквити (200 мл)
  • 1 чаша шеќер
  • 1/2 чаша шеќер
  • 1 јајце
  • 1 лажиче пециво
  • 1/2 лажиче сода
  • 70 мл масло
  • 1/2 чаша врела вода
  • 2 пакетчиња ванилин шеќер
  • Крем
  • 120 гр путер
  • 100 гр крем сирење
  • 100 гр шеќер во прав
  • 1 лажиче какао

Подготовка

За вкусот нема да зборувам, преубави се, ама интересно во овој рецепт е што при печењето се прави длапка, средината сама пропаѓа и е идеално за полнење. Претпоставувам дека причината е што во нив наместо брашно има мелени бисквити.
Избијте го јајцето со шеќерот, постепено додајте ја врелата вода, маслото и сите суви состојки.
Во калапот за мафини ставете книжни корпиња, наполнете ги 2/3 со смесата и испечете ги во загреана рерна на 180 степени. (од оваа смеса мене ми излегоа 12 мафини).
За кремот можете да го искористите овој рецепт, не и не мора, филувајте ги по ваша желба.
Избијте го убаво путерот со шеќерот, додајте го крем сирењето, какаото и ванилата и миксајте да се добие убава кремаста смеса.
Украсете ги со љубов и подарете ги на тој што најмногу го сакате.
Да живее љубовта!