Чоколадно Винчини уживање (без печење)

Подготовка

Кој не сака чоколадна торта со бисквити? Колку едноставна, а толку вкусна торта.
А и не мора да биде баш срце, за да му покажеме некого дека го сакаме, нели? Доволно е да биде вкусно и се разбира, со мноогу чоколадо.

Веднаш да ја подготвиме
На пареа ставете ги путерот, млекото и чоколадото да се стопат.
Оставете ги на собна да излади малку, околу 10 мин.
Во меѓувреме во поголем сад ги кршиме Кексините на Винчини.
Врз нив ја истураме смесата од чоколадо и и чоколадни топчиња и мешаме додека не се соединат целосно да нема воздух.
Измешајте ги и шарените топчиња.
Смесата ставете ја во калап по ваш избор, можете во форма на срце, квадрат, круг, не е важно, задоволството е секаде присутно. (Јас ја ставив во модла од 25см)
Декорирајте по ваша желба, јас искршив парчиња чоколадни јајца, млечна чоколада..
Покријте со најлонска фолија и ставете ја во фрижидер да се стегне. (Јас ја оставам преку ноќ)

Исечете на парчиња, послужете со бакнеж, и...уживајте!

Забелешка
Ќе се запрашате зошто баш кондензирано млеко? Бидејки е повеќе благо има 45% повеќе шеќер и нема многу вода, најчесто се користи во комбинација со кафе и чоколадо. Можете да си подгответе домашно а има и рецепти на овој сајт за негова подготовка и топло ви го препорачувам или можете да го купите од маркет.