Фахита тава со пилешко
Состојки
- 500гр пилешки гради
- 1 главица црвен кромид
- 1 лажиче зачинска мешавина за фахита
- 500 мл маслиново масло
- 3 пиперки (црвена, зелена, жолта)
- 3 млади кромитчиња
- на вкус сол и бибер
- 1-2 лажици сок од лимета (опционално)
- 150 гр ориз со долго зрно
- 1/2 лажиче куркума
Подготовка
Месото измијте го под млаз ладна вода и исушете го со кујнска хартија. Исечете го на тенки, долги ленти. Кромидот исечкајте го на тенки полумесечинки. Ставете го месото и кромидот во еден длабок сад со капак. Ва маслиновото масло ставете ја зачинската мешавина за фахита и убаво измешајте. Со оваа маринада налејте го месото, убаво промешајте го, затворете го капакот и ставете во фрижидер да отстои 2-3 часа. Откако отстојало, исцедете го месото од вишокот маринада и ставете го заедно со кромидот со кој се маринираше да се пржи на висока температура. Посолете по желба.
Пиперките исечете ги на тенки ленит, младото кромитче на прстени. Откако месото се испржило извадете го од тавата и тргнете го на страна. Ставете го зеленчукот да се пржи во истото масло. Пржете 4-5 минути додека пиперките малку да омекнат, по желба ставете сега сок од лимета, посолете и набиберете. Додадете го прженото месо и пропржете уште 1-2 минути.
Оризот ставете го да се вари во посолена вода. Кога ќе е на пола варен се додава куркумата и се продолжува со варење. Кога е готов, исцедете го вишокот на водата.
Фахита вообичаено се служи со тортиљи и гвакамоле. Овој пат кај мене беше во комбинација со ориз. По желба во оризот може да додадете и шафран.
На здравје!