Чоко-куглоф со фстаци
Состојки
- 250гр омекнат путер + малку за премачкување
- 200 гр шеќер
- 5 јајца
- 250гр брашно
- 1 пециво
- 200гр кисела павлака
- 2 лажици какао во прав
- 100гр мелени фстаци
- Глазура
- 100 гр шеќер во прав
- 2-3 лажици сок од лимон
- 2 лажици сечкани фстаци
Подготовка
Вклучете ја рерната да се загрева на 180 степени. Формата за куглоф премачкајте ја со путер и лесно набрашнете ја. Во длабок сад ставете го омекнатиот путер и шеќерот и изматете ги пенасто. Додавајте ги јајцата едно по едно и при тоа секое матете го половина минута пред да го додадете наредното. Додадете ја киселата павлака и брашното измешано со пециво. Се заедно измешајте и поделете ја смесата на три дела. Едниот дел останува светол, во вториот додадете го какаото и убаво измешајте, во третиот дел ставете ги ф'стаците и промешајте убаво. Во калапот за куглоф ставете ја прво светлата смеса и израмнете ја. Врз неа распоредете ја смесата со какао и на крај смесата со ф'стаци. Со помош на вилушка правете спирални движења низ смесата. Ставете да се пече 50-60 минути. Направете проверка со чепкалка за да видите дали е готов. Откако се испекол, оставете го во формата да отстои 5-10 минути и потоа префрлете го на тацна и оставете потполно да се излади.
За глазурата, измешајте го шеќерот и лимонот да добиете смеса која убаво ќе се разлева врз колачот. Налијте го кугловот со глазурата и одозгора украсете со сечкани ф'стаци.