Ванила крем колач
Состојки
- Бисквит
- 5 јајца
- 150гр шеќер
- 1 ванилин шеќер
- 200гр брашно
- 1 пециво
- 100мл зејтин
- Крем
- 1л млеко
- 3 пудинзи од ванила
- 200гр шеќер
- 400мл (2 пакувања) крем фреш или кисела павлака
- За украсување
- 1 конзерва или тегла компот од праски
- 2 пак. шлаг пена + млеко според упатството за подготовка
Подготовка
Рерната вклучете ја да се загрева на 185 степени. Подлабок плех од ререна премачкајте го со зејтин и набрашнете го. Јајцата заедно со двете врсти на шеќер изматете ги убаво додека смесата да осветли и се згусне. Додадете брашното и пецивото, изматете кратко па на крај ставете го зејтинот. Матете колку да се спојат состојките па претурете ја смесата во плехот и ставете да се печи 15-20 мин. во зависност од рерната. Кога ќе го ставате филот, тестото треба одозгора да биде заруменето.
Во дел од млекото разматете ги пудинзите а во остатокот од млекото ставете го шеќерот и ставете да се вари. Кога ќе зоврие додадете ги пудинзите и сварете ги. Во врелиот пудинг додадете крем фреш (или киселата павлака) и убаво изматете со жица за матење. Врелиот крем нанесете го врз врелото тесто и вратете повторно да се паче најмногу 10 минути. Извадете од рерна и оставете потполно да излади.
Шлаг пената подгответе ја според упатството за подготовка и со неа премачкајте го колачот. Одозгора наредете ги праските претходно исцадени од сокот и исечени на кришки.