Ванила месечинки со бадеми

Подготовка

Во длабок сад ставете ги сите состојки за тестото, при тоа путерот исечкајте го на помали парчиња. Се заедно измесете. На почеток ќе се направат трошки од тесто, но колку подолго месите ќе видите дека тестото станува компактно. Убаво измесете го, оформете топка од него, завиткајте го во стреч фолија и ставете во фрижидер да отстои еден час. Вклучете ја рерната да се загрева на 175 степени. Во тавата поставете хартија за печење. Тестото поделете го на четири дела и од секој од нив исукајте прачки со дебелина од околу 1,5 см. Сечете парчиња од 4-5 цм. кои ќе ги оформите во месечинки. Редете ги во тавата за печење и печете 10-12 мин. Готови се кога зашилените краеви малку ќе поруменат. Додека се врели посипете ги со мешавината од шеќер во прав и ванилин шеќер. Оставете ги во тавата потполно да се изладат, па ставете ги во лимена кутија со капак.
Од оваа количина на состојки мене ми излегоа 55 колачиња.