Месна векна со сланина, сино сирење и кашкавал
Состојки
- 1кг мелено месо
- 350гр. ленти чадена сланина
- 200гр. плаво сирење
- 100гр. мешан кашкавал
- 1 главица кромид (поголема)
- 2-3 моркови
- 1/2 врзоп магдонос
- 8 кришки тонус леб
- 2 јајца јајца
- 1 лажица сенф
- 1/2 лажица кечап
- 3 чешниња лук
- сол, бибер на вкус и малку мускатно оревче
Подготовка
Еве еден рецепт и од мене кој е погоден за разни забави и слави, а може да се направи и ден однапред, а да е многу многу вкусен.
1. Рерната се загрева на 180 степени
2. Модла за леб се обложува со ленти сланина, јас ги ставам од газерот, па на горните ѕидови, така да и да се преклопуваат лентите не е никаков проблем. Преостананта сланина се сецка на покрупни парчиња и се додава во месото.
3. Во сецко или блендер се ставаат кромидот, морковите, исчистениот магданос, лукот и тонус лебот кој предходно е натопен во малку вода или млеко (колку да омекни), се блиндира смесата да се изедначи.
4. Смесата се додава во месото, се додаваат јајцата, кечапот, сенфот зачините и се се меси.
5. Се сечат кашкавалот и сирењето на подебели коцкички и се додаваат во месото, повторно се премесува убаво да се изедначи.
6. Со намрсени раце се формира векната во модлата и се покрива со сланината која виси (доколку е подолга). Се покрива со алу фолија и се става да се печи околу 50минути до 1 час.
7. Штом се испечи векната се остава да се излади до собна температура, па може да се вади од калапот. Доколку калапот не е нелеплив тогаш пред да се стави сланината треба да се премачка со масло или со растопен путер.
Добар апетит!