Брз чоколаден колач срце (без печење)
Состојки
- За подлога
- 100 гр бисквити
- 50 гр маргарин
- 5 лажици млеко
- 2 лажици ореви
- За фил
- 1 пудинг од чоколадо
- 100 гр путер
- 50 гр чоколадни капки
- 70 гр малини
- 400 мл млеко
- 5 лажици шеќер
- 1 лажичка екстрат од рум
- 100 гр бисквити
Подготовка
Колачот се прави многу брзо и лесно и многу е вкусен.
За подлога
Измелете ги бисквитите со оревите, додајте растопен маргарин и млеко и се' промешајте. Ставете во калап срце.
За фил
Половина од млекото ставете го да зоврие, во друга половина додајте пудинг и шеќер, промешајте и истурете го во зовриеното млеко. Мешајте додека не згусне и оставете го да истине.
Изладениот пудинг изматете го со путерот, додајте шеќер во прав по потреба, додајте кршени бисквити, чоколадни капки, малините и екстрат од рум. Се' промешајте и ставете во калап. Ставете во фрижидер да се стегне.
Колачот извадете го од калап, прелијте го со растопено чоколадо, украсете со чоколадни ронки, чоколаден шлаг и со малини.
Добар апетит!