Векна со афион, суви смокви, брусница, ѓумбир
Состојки
- тесто
- околу 300гр брашно
- 20гр свеж квасец
- 2 лажици кафен шеќер
- 1/4 лажиче сол
- 1 ванила
- 1 јајце
- 70гр растопен путер
- околу 120 мл млеко
- кора од лимон
- фил
- 30гр мелен афион
- 50гр суви смокви
- 50гр суво грозје или сува брусница
- 1/2 лажиче свежо рендан ѓумбир
- 100гр мелени лешници или ореви,индиски ореви
- 50гр кафен шеќер
- 50мл слатка павлака
- 40мл рум
- 1/2 лажиче цимет
- 1/2 лажиче морско оревче
Подготовка
Во вангличка ги ставаме половина количина на брашно, квасец, шеќер, сол, ванила, јајце, кора од лимон и растопен путер.
Промешуваме и додаваме околу 100 мл топло млеко.
Оставаме така да одстои 10 минути.
Потоа го додаваме остатокот на брашно и замесуваме мазно и нелепливо тесто.
Го покриваме и оставаме да се дуплира.
Сега го подготвуваме филот.
Јас сите состојки многу брзо ги соединив во садот на Нутрибулет.
Но може и постепено да се соедини се, односно мелен афион, сецканото суво грозје, сецканите суви смокви, индиски ореви, рендан ѓумбир, шеќер, слатка павлака, рум и ароматичните зачини.
Сега од втасаното тесто сучиме правоаголна кора.
Ја премачкуваме со веќе подготвениот ароматичен фил.
Виткаме ролат.
Го ставаме ролатот во долгнавест калап за леб, кој е обложен со хартија за печење.
По желба го премачкуваме со изматено јајце, наросуваме кафен шеќер.
Го оставаме така да одмори 20 минути.
Го печиме во загреана рерна на 200 с околу 30 минути
.
Пожелно е да се остави потполно да се излади, па да се сече на парчиња и послужи....а јас како и секогаш брзав и го сечев млак.
Како и да е вкусот е прекрасен.....