Едноставен колач со портокали
Состојки
- 3 јајца
- 1 шоља шеќер
- 1 ванилин шеќер со портокал
- 1/2 шоља масло
- 1/2 шоља топло кон млако млеко
- од 1 портокал - сок и рендана кора
- од 3 портокали срцевината
- 2 шољи просеано брашно
- 1 пециво
- За полевање
- од 2 портокали сокот
- За глазура
- 100 гр. чоколадо со висок процент на какао
- 3 лажици масло
- 3 лажици млеко
- Шољата е од 250 мл.
Подготовка
Едноставен колач, со состојки кои ги имаме по дома, но мошне вкусен и ароматичен.
Најпрво ги подготвуваме портокалите.
Еден цедиме и ставаме на страна, исто и дригите 2 ги цедиме и ги ставаме на страна, тие се за полевање после печење.Тоа што ќе остани од цедените портокали се сецка, да не се големи парчиња и се додава рендана кора од еден портокал. Портокалите претходно отстоени во вода со сода бикарбона, а потоа добро измиени.
Јајцата се матат со шеќерите, се додава матејќи маслото, па млекото, сокот од портокалот, брашното помешано со пецивото и на крај срцевината од портокалите и ренданата кора, мешајќи со лопатка.
Се излева во калап со пречник од 28 цм., но за повисок колач можи и во калап со пречник од 26 цм..
Калапот намрсен со масло и побрашнет.
Се пече во загреана рерна на 180 степени до сува чепкалка околу 30 мин..
Топол се полева со сокот од двата портокали, а претходно го боцкаме колачот по површината со чепкалка.
Ја подготвуваме глазурата и полеваме врз млакиот колач.
Оставаме убаво да се излади, па сечеме.
На здравје!