Брза торта со чоколаден фил и вкус на портокал
Состојки
- 1 пакетче мали кори за торти Винчини
- 800 мл млеко
- 8 лажици шеќер
- 3 кесички прашок за пудинг од чоколадо
- 2 рендана кора од портокал
- 3 лажици ситно сечкан кандиран портокал
- 1 пакетче портокал шеќер
- 200 гр маргарин
- 300 гр чоколадо
- 1 пакетче шлаг крем од ванила
Подготовка
Пригответе го пудингот според упатството, но со овие наведени состојки.
Откако ќе се свари, се тргна на страна и во него се дробат чоколадото и маргаринот на коцки.
Се меша енергично со лажица додека стани мазна кремаста смесата.
Пред крај се додава ренданата кора, аранчините и портокал шеќерот.
Доколку немате се, сепак и кората од портокал ќе заврши работа.
Доколку ви е напорно да мешате, можи да употребите миксер за подобар финиш.
Филот се дели на 3 дела и секоја кора се премачкува.
Шлаг кремот се мати според упатството и со него се прамачкува цела торта.
Одозгора се украсува по желба. Овде со чоколадни црно-бели струготини на Фантазија.