Мафини печени во Апарат за готвење со топол воздух

Подготовка

Ова беше првиот обид да се направат мафини во овој прекрасен апарат.
Се осмелувам да ги објавам, бидејќи изгледот не им е за чиста 5, од причина што кошничките ги преполнив.
Оваа доза е за 12 мафини, а јас направив 8.
Значи во садот точно збира по 4 големи хартиени подметачи за мафини, и секако треба да се наполнат до ¾ од нивната висина.
Бидејќи беа преполни со смеса, малку се деформираа во изгледот, но не беше уништен нивниот вкус.
Ги печев на 180 с 14-15 минути.
Совршено брзо беа готови.
Ова е моето искуство.
Во вангличка ги ставме јајцата и шеќерот и матиме смесата да побели.
Со исклучен миксер ги додаваме млекото, растопениот путер, просеано брашно, пециво, сода бикарбона, кора од портокал и сок од портокал.
Убаво ја изедначуваме цела смеса.
Ги полниме кошничките и ги печиме во Апарат за готвење со топол воздух
Оставаме малку да се изладат, па сервираме.

.