Празничен куглоф со портокал и морков (посно, веган)
Состојки
- 420 гр брашно
- 1/2 пециво
- 1/2 лажичк сода бикарбона
- 120 гр сечкани ореви
- 120 гр рендан морков
- рендана кора од 1 портокал
- 200 гр шеќер
- 2 лажички ванила екстракт
- 50 гр суво грозје
- 25 гр брусница
- 2 парчиња кандиран ѓумбир
- 200 мл вода
- 100 мл масло
- сок од 1/2 портокал
- 4 лажици мармалад
- зачини по вкус и желба, цимет, анис, каранфилче, морско оревче...
Подготовка
Вкусен и мирисен колач со кој ни дава до знаење дека е зима ама и празници...
Подготовка
1. Брашното, пециво, сода бикарбона, рендана кора од портокал, сечкан кандиран ѓумбир и зачините ги ставаме во сад и ги сеоединуваме.
2. Ги додаваме оревите, сувото грозје и брусница како и ренданиот морков.
3. Ги соединуваме течните состојки заедно со шеќерот, мармаладот и екстрактот од ванила. Ги додаваме кон сувите состојки и соединуваме со лажица.
4. Калапот за куглоф го намрсуваме и набрашнуваме. Ја истураме целата смеса во калап и печеме во загреана рерна на 200 степени околу 40 минути.
Забелешка
Ставив мармалад од кајсии, а вие по желба и вкус.