Божиќни полумесечинки
Состојки
- 250 гр брашно
- 200 гр путер
- 6 лажици шеќер
- 1 јајце
- 160 гр мелени ореви
- За декорација
- 50 гр чоколадо,ливчиња бадем и шеќерни трошки
Подготовка
Колачиве се топат во уста, многу се вкусни. Ви ги препорачувам.
Од сите состојки замесуваме мазно тесто кое треба да е полутврдо и не лепливо. Доколку сепак ви е меко и лепливо додадете уште брашно.
Оставете го тестото на ладно барем половина час.
Потоа формирајте полумесечинки и ставете ги во плех обложен со хартија за печење.
Се печат во загреана рерна на 190 степени околу 10 минути. Внимавајте бидејќи треба да останат бели.
Печените колачи оставете ги да се изладат и декорирајте по желба.
Јас ги декорирав со стопено чоколадо и шеќерни трошки и ливчиња бадем.
Уживајте!