Солена торта со ајвар (посно)
Состојки
- За кора
- 200 мл кисела вода
- 8 лажици брашно
- 2 лажички пециво
- 4 лажици ајвар
- 1/2 лажичка сол
- За фил
- 300 гр варени компири
- 400 мл посен мајонез
- 2 лажици масло
- сол, копар, црн бибер
Подготовка
За оваа солена торта потребно е да се испечат две кори. Сите состојки ги соединуваме во длабок сад и матиме со жица за матење. Јас ја печев во делимано округлата тава бр. 28, попрактично е во правоаголна, но димензијата е таа. Се пече во загреана рерна на 180 степени, околу 15 минути.
Филот се подготвува, така што компирот се гмечи со вилушка, се додава масло и мајонез и зачини по желба. Количината на состојките може и да варира од дадените. Се премачкува едната кора со околу половина од филот, а другата половина се премачкува одозгора.
Најгоре ставив сув копар.