Грав со мелено месо и бешамел сос
Состојки
- 200 гр претходно сварен грав
- 150 гр мелено месо
- половина главица кромид
- 1 домат
- 50 гр кашкавал
- За бешамел
- 1 лажица брашно
- 1 лажица путер
- 200 мл млеко
- по потреба сол, бибер ,зачин мешан
Подготовка
Во тава со малко масло попржуваме ситно сецкан кромид и го додаваме меленото месо
и го попржуваме.
Доматот го рендаме и додаваме кај меленото месо го додаваме и сварениот грав
промешуваме да се соединат и зачинуваме.
Готовата смеса ја ставаме во сад за печење, убаво е да користите земјена тава.
И го подготвуваме бешамелот.
Во тава го ставаме путерот и брашното, мешаме постојано да се попржи брашното и
постепено го додаваме млекото со постојано мешање.
Мешаме да се згусти сосот го посолуваме и побиберуваме кога е готов го тргаме на
страна.
Врз гравот го рендаме кашкавалот, врз него го распоредуваме бешамелот.
Вака подготвено го ставаме во рерна околу 15-20 минути.
Состојките се за мала количина за повеќе дуплирајте ги состојките.