Испечати

Полжави на италијански начин

Полжави на италијански начин

Состојки

  • 800 гр чистени полжави
  • 150 гр чаден домашен колбас
  • 1 главица кромид
  • 200 гр праз (или по желба)
  • 1 чешне лук
  • 3-4 црвени суви пиперки
  • 4 моркови
  • по желба свеж магдонос
  • 1 лажичка сол
  • 1/2 лажичка мелен бибер
  • 2 лажици црвен пипер
  • 1 лажичка куркума
  • 150 мл црвено вино
  • 50 мл соја сос
  • 150 мл вода (или по потреба)
  • по потреба маслиново масло

Подготовка

Полжавите кај нас дома се омилени и ги сакаме подготвени на секаков начин.
Основата за овој рецепт ја зедов од италијански сајт за готвење а рецептот е од Капуа со тоа што направив неколку измени и го прилагодив по наш вкус.

1. Исчистените и претходно сварени полжави се ставаат во поголем сад и се зачинуваат со сол, мелен бибер, црвен пипер и куркума.

2. Кромидот, лукот и празот ситно се сецкаат и се пржат во тава со маслиново масло. Во истата тава се додаваат и ренданите моркови, сецканите црвени пиперки и свежиот магдонос. Откако ќе омекнат во тавата се додаваат полжавите и се пржат околу 10-тина минути.

3. Потоа во истата тава се додаваат виното, соја сосот и водата и се остава да се динста се додека течноста не испари. Потоа целата содржина се префла во тава за печење.

4. Во друга тава се пржи ситно сецканиот домашен колбас и се додава во тавата за печење.

5. Се пече 20-тина минути на 220 степени.