Испечати

Едноставна торта со јаболка

Едноставна торта со јаболка

Состојки

  • 1,5 - 2кг. јаболка
  • 3-5 лажици шеќер
  • 5 јајца
  • 10 лажици шеќер
  • 5 лажици врела вода
  • 10 лажици брашно
  • 1 пециво
  • 2 пакетчиња шлаг пена

Подготовка

Подготовка
Тава со пречник од 28см. премачкајте ја со зејтин. Рерната вклучете ја да се загрева на 180 степени. Јаболката излупете ги, исчистете ги од срцевината и исечкајте ги на помали парчиња. Ставете ги во тавата, наросете со шеќер и ставете да се печи околу 30 мин. или додека убаво да омекнат. Шеќер ставете во зависност од тоа која сорта на јаболка ја користите....јас имав јаболка од сортата Елстар, значи покисели, и затоа ставив 5 лажици шеќер.
Откако се испекле, извадете ги од рерна и оставете да се изладат.
Во длабок сад убаво изматете ги јајцата и шеќерот, матете додека да добиете густа и светла смеса. Додадете ја водата, па брашното и пецивото. Со оваа смеса налејте ги претходно испечените и изладени јаболка, па ставете да се печи. Печете околу 30 мин. или во зависност од рерната.
Откако се испекло, уште додека е врело, превртете на тацна (јаболката треба да се одозгора) и оставете потполно да се излади.
Шлагот изматете според упатството за упетреба и со него украсете ја тортата.

На здравје!