Ролат во обланда, со сува брусница и бадеми
Состојки
- 1 лист обланда
- 150 мл млеко
- 2-3 лажици шеќер
- 125 гр путер
- 100 гр црно чоколадо
- 1 лажиче какао
- 1 лажица мелен фстак
- 200 гр мелени бисквити
- 80 гр сецкан бадем
- 80 гр сува брусница
Подготовка
Предлог за декоративен и вкусен ролат, без печење.
Прво листот обланда го ставаме меѓу две чисти, влажни крпи да омекни.
Во касерола на тивок оган ги ставме млекото, шеќерот, чоколадото, какаото, путерот да се соединат.
Нека провријат една минута.
Тргаме од оган малку смесата да се излади.
Потоа ги додаваме фстаците, бадемите, брусницата, бисквитите.
Убаво соединуваме.
Ја нанесуваме смесата врз обландата и убаво израмнуваме.
Виткаме ролат.
Го оставаме на ладно да се стегни, па сечеме парчиња и послужуваме.