Испечати

Цветни кифли во слатка погача (посно)

Цветни кифли во слатка погача (посно)

Состојки

  • 450 гр брашно
  • 60 гр инстант компир пире
  • 4 лажици шеќер
  • 1 ванилин шеќер
  • 1 мала рамна лажичка сол
  • 1 сув квасец
  • кора од 1/2 портокал
  • кора од 1/2 лимон
  • 60 мл масло
  • 300 мл млака вода

Подготовка

Редно беше да направам и слатки кифли за постов, верувам дека ќе ви се допаднат. Ароматични се од кората на цитрусите, ама таман слатки. Ако сакате да бидат поблаги можете да ги уживате со џем или мед.

Подготовка
1. Сите состојки се ставаат во еден сад и со млака вода се замесува средно меко тесто. Го оставаме да стаса.
2. Го истураме на набрашнета површина и расукуваме кора со дебелина од 5 мм.
3. Со калапче со дијаметар од 8-9 см вадиме кругови. Редиме три круга еден преку друг на одредено растојание, па ги виткаме како ролат. Ролатот го засекуваме на половина при што добиваме две цветчиња како ружички.
4. Ги редиме на мини одредено растојание во тавче бр. 26. Ги оставаме 10-15 минути да стасаат. Ги премачкуваме со масло и ги ставаме да се печат во загреана рерна на 180 степени.
5. Откако ќе се испечат пак ги премачкуваме со масло и на крај ги посипуваме со шеќер во прав.
Забелешка
Можете да си ставите и цимет во шеќерот.