Испечати

Најсочното пилешко месо во маринада

Најсочното пилешко месо во маринада

Состојки

  • 1 кг пилешки стек
  • Маринада
  • 100 мл маслиново масло
  • 2 лажици оцет балсамико
  • 3 лажици соја сос
  • 100 мл доматно пире
  • 1 лажица сенф
  • 1 лажица мед
  • 1 лажичка сол
  • 1 лажичка кари
  • 1 лажичка лут буковец
  • 3 лажички црвен пипер
  • 1 лажичка оригано
  • 1/2 лимон (сок)

Подготовка

Откако сопругот го подготви пилешкиот стек на ваков начин веќе никогаш нема да го подготвиме на поинаков начин. Превкусно и многу сочно пилешко месо, а се што треба да се направи е да се подготви маринадата, останатото го прави шпоретот.

1. Во поголем сад се мешаат сите состојки за маринадата додека истите не се соединат.

2. Пилешкиот стек се сече на помали долги парчиња кои се ставаат во садот со маринадата.

3. Со раце убаво се мешаат парчињата пилешки стек за целосно да бидат потопени во маринадата и се оставаат да отстојат околу 1 час.

4. Плехот или тавата за печење се обложува со хартија и внатре се распоредува пилешкото месо. Месото се прелива со остатокот од маринадата и се пече 45 минути на 220 степени.