Мини Шепардови пити
Состојки
- За тесто
- 150 гр брашно
- 100 гр остро брашно
- 1 лажиче прашок за печење
- 1/2 лажиче сол
- 125 гр маргарин
- 1 јајце
- За фил
- 500 гр мелено месо
- 1 главица кромид
- 1 морков
- пола конзерва од 400 гр грашак (или отприлика 4 лажици)
- 1 лажиче соја сос
- 200 мл доматен сос или пире
- 1 лажица мешан сув зачин
- 1 рамно лажиче оригано
- 1/3 лажиче пимент
- За пире
- 1 пакетче пире Сончева долина
- 500 мл вода
- 250 мл млеко
- 1 лажиче сол
- 50-70 гр гр маргарин
- 1 лажица рендан пармезан
Подготовка
Подотовкана на тестото
Измешајте ги сувите состојки, па додадете го маргаринот исечкан на листови и измесете, на крај додадете го и јајцето и измесете се во глатко тесто.
Тестото расплескајте го и ставете го на рамна чинија завиткано со најлон во фрижидер.
Подготовка на филот
Кромидот ситно исечкајте го, а морковот изрендајте го, па ставете ги со малку масло заедно со меленото месо да се пржат додека им испари течноста. Потоа додадете ги и останатите состојки редоследно од кои грашакот на крај и мешајте додека се убаво не се спои отприлика 5-10 минути, па тргнете од рингла.
Подгответе го и пирето со состојките спрема упатството на кесичката. Доколку сакате да направите поубави форми од течностите намалете по 50 мл.
Расучете го тестото тенко и со поширока чаша или кружен калап вадете форми.
Формите распоредете ги во подмачкан калап за мафини убаво по ѕидовите.
Во секоја ставете од филот со месо до ниво на работ на тестото, потоа одозгора ставете од пирето.
Можи да го ставате со лажица, со помош на кесичка со отсечен раб или пак со калап за тулумби.
Одозгора наросете рендан пармезан.
Печете во загреана рерна на 200С околу 35 минути.