Орашникот на баба
Состојки
- за тесто
- 500 гр брашно
- 100 мл зејтин
- 200 мл вода
- 1 прстофат сол
- 2 лажички сода бикарбона
- за фил
- 20 лажици мелени ораси
- 10 лажици шеќер
- 1 ванилин шеќер
- 1 лажичка цимет
- за шербет
- 500 гр шеќер
- 150 мл вода
Подготовка
Овој Орашник го пробав кај една баба, ми се допадна и побарав рецепт. Сега решив да го направам.
Во едно вангличе сипете брашно, зејтин, вода, малку сол, сода бикарбона и замесете тесто. Оставете го малку на страна.
Во мелените ореви додајте шеќер, ванила и цимет и измешајте.
Тестото поделете го на 8 топчиња. Од секое топче рассукајте кора и ставете во намрсено тавче. На секоја кора ставете ореви со шеќер. Така правете додека не се потроши тестото. На последна кора не ставаме ореви.
Попрскајте одозгора со зејтин и оставете 15 минути. Печете на 180 степени 30-40 минути.
Готовото тесто оставете го да истине.
За шербет земете шеќер, сипете во тенџере, додајте вода и ставете на оган. Кога ќе зоврие оставете малку нека поврие, 2-3 минути.
Изладеното тесто прелијте го со жежок шербет и оставете да отстои 2-3 часа.