Совршена пита од јаболка
Состојки
- Фил
- 5 рендани јаболка
- 3 лажици мед
- по 1 лажиче цимет и ванилин шеќер
- Тесто
- 350гр брашно
- 1/2 пакување прашок за пециво
- 100 гр кафеаф шеќер
- 2 лажици мед
- 1 пакување ванилин шеќер
- малку рендана кора од портокал
- 150 гр свинска маст
Подготовка
Што да ви кажам, питава е совршенство, буквално се топи в уста, не можиш да престаниш да јадиш. А комбинацијата на јаболко и цимет е магична!
Начин на подготовка
Се мешаат убаво сите состојки за тестото со лажица, а на крајот замесете со рака колку да го соедините тестото во топка. Ставете го во фрижидер додека го подготвувате филот од јаболка.
Изрендајте ги јаболката и ставете ги да се пржат во Делимано нелеплива тава без масло додека не испари течноста. Додадете ванила и канела по 15тина минути измешајте и ако има потреба уште пржете додека ја снема течноста. На крајот додадете го медот.
Пригответе го тавчето за печење со обрач број 26. Намастете го со масло.
Тестото извадете го од фрижидер и поделете го на два дела. Едниот дел расплескајте го во тавчето, а додека го правите тоа, другото тесто ставете го во замрзнувач за да не ви омекне многу.
Нанесете го филот врз расплесканото тесто, а вториот дел од тестото раширете го на набрашнета површина, попрскајте одозгора брашно и натапкајте го и исечете го на ленти.
Полека наредете ги како на сликата.
Печете во загреана рерна на 160 степени околу 45минути