Ванилици со локум и орев
Состојки
- 250 гр маргарин
- 250 гр свинска маст
- 2 јајца
- 2 ванили
- 150 гр шеќер
- 5 гр пециво
- 1 лажица рум
- 100 гр потпечени и сецкани ореви
- 200 гр локум на Дониа со ореви - сецкан
- 1 кг брашно
- За валкање
- 200 гр шеќер во прав
- 1 ванила
Подготовка
Традиција...кафе, локум, ванилици....уживање во сето тоа ...))))
Маргаринот и свинската маст се матат со миксер, пенесто.
Се додаваат јајцата едно по едно, матејќи.
Се додаваат шеќерите.
На ред се локумчињата и оревчињата.
Потоа румот, пецивото, брашното.
Се меси убаво тестото, убаво да се изработи. За полесно го поделив на два дела.
Кога е измесено, се формираат ваљаци, се завиткуваат во прозирна фолија и се става тестото во фрижидер да одмори 1 час.
После тоа време на набрашнета подлога се отвора кора со дебелина од 1 цм..
Со калап се вадат форми и се ставаат во плех на хартија.
Остатокот се премесува и се прават форми додека се потроши.
Се печат во загреана рерна (5 мин. на 200) за време од околу 25 мин. на 150 степени.Треба да останат бели одгоре, а долните ивици да поруменат.
Малку да здивнат и топли се валкаат во шеќер во прав замирисан со ванила.
Уживајте!