Подпечен карфиол со сланина
Состојки
- 1 карфиол
- 200 гр чадена сланина
- 3 јајца
- 500 гр крем за готвење
- 100 гр кашкавал
- 1 кромид
- 75 гр златна мешавина
Подготовка
Карфиолот поделете го на цветови и сварете го.
Кромидот ситно исечете го ставете во тавче да се пржи. Сланината исечете ја на ленти и додајте кај кромидот да се попржи малку, само да замириса.
Карфиолот наредете го во тава за печење, попрскајте со масло за готвење, посолете, додајте сув зеленчук и црвен пипер. Пржените сланина и кромид наредете ги врз карфиол, ставете златна мешавина.
Јајцата изматете ги, додајте крем за готвење, додајте зачини и истурете врз карфиол.
Одозгора изрендајте кашкавал и посипете со магдонос.
Печете во рерна на 250 степени 30 минути.
Добар апетит!