Тортици со мармалад
Состојки
- 4 јајца
- 4 големи лажици шеќер
- 4 големи лажици брашно
- Кора од 1 лимон
- По потреба мармалад
Подготовка
1. Белките се оддвојуваат од жолчките. Белките се матат со шеќерот на снег.
2. На смесата со белки и шеќер се додаваат жолчките и се матат внимателно.
3. Се додава брашното и кората од еден лимон и се промешува да се соедини.
4. Смесата се става во тавичка со хартија за печење и се печи за кратко на 180 степени.
5. Готовата кора се завиткува во мокра крпа и се остава да се олади.
6. Од кората со модла се сечат цветчиња се премачкуваат со мармалад и се залепуваат едно со друго или се оставаат незалепени, мармаладот во овој случај е од сини сливи.
Забелешка
- од кората може да си направите и ролат со мармалад.