Макарони со пилешко во сос од спанаќ
Состојки
- 500 гр макарони
- 600 гр пилешки гради
- 200 мл кисела павлака
- 300-400 мл кисело млеко
- 2-3 лукчиња
- 20 гр сушен спанаќ
- 100 гр кашкавал
- прстофат мускатно оревче
- 1/2 лажичка бибер
- сол и мешан сув зачин
Подготовка
Се надевам дека ќе ви се допаднат, повелете рецепт.
Подготовка
1. Макароните ги вариме на вообичаениот начин или по упатството на кесичката.
2. На масло го пржиме месото, исечкано на многу ситни коцки па го зачинуваме по вкус.
3. Го тргаме на страна, а во истото масло (ако нема доволно доставаме) го ставаме сечканото лукче да пушти мирис. Ги ставаме киселото млеко, киселата павлака и сувиот спанаќ да се соединат, кратко да провријат. На крајот ги додаваме зачините и ренданиот кашкавал.
4. Прженото месо го ставаме во варените макарони и залеваме со подготвениот сос. Промешуваме и ручекот ни е спремен. На здравје!
Забелешка
Можеби ќе ви се види многу течна смесата, ама кога ќе се соедини со макароните, ќе згусне и ќе се залепи за тестенините.
Формата на макароните нека ви е по желба и вкус.