Крем супа од морков и брокула (Француски рецепт)

Подготовка

Ова е француски рецепт за крем супи, кој го добив од мојата тетка. Вкусот е прекрасен, а подготовката не е комлицирана. Ако се следат чекорите, лесно се подготвува, само треба малку време и трпение, за да се добие посакуваното!

1. Зеленчуците се варат заедно, предходно излупени и исецкани на исти димензии, за да се сварат истовремено.
Брокулата не се вари, таа се става на 5 мин пред крај, само да се обари и омекне.

2. Од сварените зеленчуци, 1 морков и 1 цветче брокула се тргаат на страна, а остантите се прецедуваат и се оставаат малце да оладат.

3. Во две посебни тенџериња се делат компирите на 2 еднакви половини, истото се прави и со целерот, пашканатот и кромидот.
Во едното тенџере се ставаат морковите, а во другото брокулата.

4. Се додава пилешки бујон, одприлика колку да се прелие зеленчукот. Потоа се блендираат со рачен блендер.

5. Добиената густа каша полека се разредува со пилешкиот бујон и треба да добие густина, како јогурт.
Во крем супите се додава по 1 лажичка сол, 1 лажичка сушен зеленчук и црн бибер.
Пилешкиот бујон се додава постепено и со постојано мешање, за да не се разреди многу крем супата.
Постапката се повторува за двете крем супи.

6. На крај во нив се додава по 25 гр путер и се ставаат малце на оган, да провријат.

7. Во крем супата со морков се додава обарениот морков, тенко исецкан на крукчиња, а во крем супата со брокула се додава обареното цветче од брокула, ситно сецкана, за шмек на супата.
На крај крем супите се тргаат од оган и во нив се додава ситно сецкан магдонос.

*Совети- Бидејќи за подготовка на крем супата, потребно е и пилешка супа или бујон, која ќе даде збогатување на вкусот на крем супата, јас најчесто варењето на зеленчукот го комбинирам со цело пиле и добиената процедена течност, ја користам потоа за подготовка на супата.
-Доколку сакате крем супите да ви бидат вегетријански, во тој случај користете ја само течноста од варениот зеленчук и зачини по избор.
-Во крем супите може да се додаде и малце пилешко месо, изблендирано заедно со зеленчукот кој ќе му даде посебен шмек.

Декорирање и послужување на крем супите

Бидејќи супите се со контрасни бои и различни вкусови, може лесно да се игра со боите при послужување.

Примери за послужување има на фотографиите во прилог.

Се надевам дека ќе ви се допаднат!