Домашни хамбургер лепчиња
Состојки
- 100мл млако млеко
- 50мл млака вода
- 10гр свеж квасец
- 2 лажици маслиново масло
- 1 лажиче шекер
- 1 лажиче сол
- 1 лажиче мед
- по потреба брашно(околу 300гр)
- за премачкување
- 1 јајце
- малку сол
Подготовка
Еве и од мене рецепт за меки хамбургер лепчиња. Сум правела по различни рецепти, но овој најмногу ми се допаѓа.
Во млакото млеко и вода се раствора квасецот заедно со шеќерот, медот и малку брашно. Откако ќе се запени се додаваат другите состојки и се меси средно меко тесто. Се покрива со кујнска крпа и се остава на топло место околу 30-40мин.
Тестото се дели на 4 дела од секое се формира топче и се сплескува. Се ставаат во подмачкан плех да стасаат 40тина минути. Пред печење се премачкуваат со изматено јајце со малку сол и се наросува сусам. Се печат на 200степени 10тина минути.