Колач со крем сирење и чоколадо (без печење)
Состојки
- Основа
- 200гр. бисквити
- 90гр. путер
- 1/2 ампула(од 2мл) екстракт од рум
- Крема 1
- 300гр. крем сирење
- 50гр. шеќер во прав
- 3 лажици слатка павлака
- 1 фолија(2гр) желатин
- 1 ванила
- Крема 2
- 200гр. црно чоколадо(75% какао)
- 200мл. слатка павлака
- 150мл. изматена слатка павлака
Подготовка
Бисквитите сомелете ги, а потоа измешајте ги со растопениот путер и рум екстрактот.
Нанесете ја смесата во правоаголен калап обложен со хартија и убаво израменете ја.
Ставете во фрижидер да се стврди(1 час).
Крема 1
Желатинот ставете го во ладна вода да отстои 10 минути.
Со миксер изматете го крем сирењето, шеќерот во прав и ванилата.
Слатката павлака ставете ја да се загрее(не и да зоврие) и додајте го желатинот, претходно убаво исцеден од водата.
Откако желатинот ќе се растопи додајте го во изматеното крем сирење и убаво измешајте.
Ставете ја кремата врз основата од бисквити и вратете во фрижидер уште 1 час.
Крема 2
Загрејте ја убаво слатката павлака и со истата прелејте го чоколадото искршено на коцки.
Мешајте додека чоколадото се растопи.
Потоа покријте го садот со најлонска фолија и оставете да отстои 5 минути.
Со жица измешајте го чоколадото и дадајте ја изматената слатка павлака.
Мешајте внимателно во еден правец, одоздола према горе.
Нанесете го чоколадниот крем врз кремот од крем сирење и оставете да отстои во фрижидер 4 часа(или преку ноќ).
Пред да ја послужите оставете ја некое време на собна температура.
Може да украсите по желба, јас го оставив само вака со нанесување на топки слатка павлака и сува брусница.