Испечати

Салата Chalo

Салата Chalo

Состојки

  • 2 марули
  • 200 гр спанаќ
  • 50 гр рукола
  • 1 дајкон (средна големина)
  • 10-тина кругови конзервирано цвекло
  • 300 гр телешко месо
  • 500 гр пилешки стек
  • 2-3 моркови
  • 2-3 црвени суви пиперки
  • 60 гр индиски ореви
  • 4 лажици соја сос
  • по потреба маслиново масло
  • 5 лажици освежителен прелив за салати

Подготовка

Многу вкусна салата-оброк која го доби името Chalo бидејќи со сопругот буквално ги искористивме сите видови зеленчук кои ги имавме дома и на сето тоа додадовме уште по некоја состојка за да добиеме комплетен оброк.

1. Телешкото месо и пилешкиот стек се варат а отакако ќе бидат готови се сечат на помали парчиња и се тргаат настрана.

2. Марулата, спанаќот и руколата се мијат и се сецкаат во длабок сад.

3. Во тава со загреано масло се пропржуваат кратко парчињата месо, а потоа се додаваат и морковите исечени на тенки кругови, сувите пиперки и соја сосот. Сите состојки се промешуваат заедно за убаво да го впијат соја сосот а потоа се заедно се става во садот со зеленчук.

4. Дајконот се сече на кругови а цвеклото на помали парчиња и се ставаат во садот со останатите состојки.

5. На крај се додаваат индиските ореви и целата салата се полева со преливот.

* Преливот совршено ги надополни и ги потенцираше вкусовите на салатата па поради тоа ние не употребивме дополнителни зачини.