Освежителен прелив за салати
Состојки
- 6 лажици кравјо кисело млеко
- 1 лажица сенф
- 1 лажичка мајонез
- 100 мл јогурт
- 1 лажичка кари
- 1 лажичка босилек
- 1 лажичка лук во прав
- 3 лажички маџун
- 1 мандарина (сок)
- 1/2 лимон (сок)
Подготовка
Кај нас дома салатите се многу застапени, а често заменуваат и цел оброк.
Ова е еден многу лесен прелив кој дава посебна свежина на секоја салата.
Во поголем сад најпрвин се мешаат киселото млеко, сенфот и мајонезот и откако ќе се соединат се додаваат останатите состојки. Се меша се заедно додека состојките не се соединат.
* Прилагодете ја количината на состојките според вас бидејќи од оваа количина се добива прелив за околу 6-7 порции салати.
* Јас често подготвувам поголема количина од преливот и ја чувам во тегличка во фрижидер.
* Овој прелив го ставам во обична салата од марула, спанаќ, зелка или краставици но и во оние пообемни салати со повеќе состојки и можам да ви кажам дека совршено се вколопува во секоја од нив.