Овесни сконси со брусница, јаболко и цимет (Skones)
Состојки
- 250 гр бело брашно
- 75 гр овесни снегулки
- 75 гр кафеав шеќер
- 1 лажичка пециво
- 1/2 лажичка сода бикарбона
- прстофат сол
- 1 лажичка мелен цимет
- 90 гр путер
- 50 гр сушена брусница
- 1 јаболко
- 100 мл млеко
- За посип
- малку кафеав шеќер
- малку овесни снегулки
- малку млеко
Подготовка
Идеални за појадок со чаша млеко, а за нивна подготовка не ви се потребни повеќе од 30 минути вклучувајќи го и времето за печење. Пробајте ги , прекрасно мирисаат.
Подготовка
1. Сите суви состојки се ставаат во сад и се мешаат. Потоа го додаваме ладниот путер исечкан на мали коцки и го втрлуваме во сувите состојки за да добиеме трошкасто тесто.
2. Јаболкото го лупиме и го рендаме во смесата, па го додаваме и млекото.
3. Ги соединуваме сите состојки и создаваме една топка од тесто која не ја месиме многу, само ја формираме.
4. На набрашнета површина расукуваме кора со дебелина од 1 см и вадиме форми со калапчиња. Ги редиме во подмачкан плех .
5. Врз нив премачкуваме малку млеко, со силиконска четка, па наросуваме овесни снегулки и кафеав шеќер.
6. Ги печеме во загреана рерна на 180 степени околу 15 минути со вклучен вентилатор додека да им потемнат краевите. По вкус треба да бидат крцкави од надвор а вкусни и меки од внатре.
Забелешка
Јаболкото ми беше малку поголемо од средна големина, па ми требаше малку повеќе брашно зошто беше сочно и се доби многу влажна структура, така да мене за оваа смеса ми требаа околу 300 гр брашно. Брусницата може да ја ставите и цела ама попрактично е да се исечка, кај мене во овој рецепт ја сечкав.
Ако немате калап едноставно направете топка од тесто расплескајте ја и пресечете ја на 8 парчиња па така печете ја во рерна.