Карневалски фритули

Подготовка

Ги забележав на блогот на Јулија, ме привлече дека ги нарекува карневалски. Сум правела разни фритули или како што знаеме ние да си кажеме - крофнички за разни поводи. Нека го овде и нејзиниот рецепт кој е адаптиран од рецептот на блогерката Габила. Разликата е само во тоа што Јулија ставила крем сирење, а Габила користела урда, Јулија ставила скробно брашно - густин, а Габила ставила брашно од компир. Јас правев и во двете варијанти, вкусни и тие со крем сирење и тие со урдата. Вие одберете... Јулија, благодарам!
 
- Измешајте ги во садот во кој ќе месите двата вида на брашно, пецивото, солта.
- Во друг сад ставете ги шеќерот и жолчките, со вилушка изматете, додадете ренданата кора од лимонот, румот, млекото, крем сирењето (урдата) и путерот кој е со собна температура. Измешајте повторно со вилушка. Добиената смеса ставете кај сувата и со миксер или на рака замесете тесто. Домесете го на побрашнета површина која количина на брашно не надминува 1 лажица.
- Замотајте во најлон фолија, оставете да одлежи во фрижидер најмалку 2 часа или оставете преку ноќ.
- Правете мали топчиња и пржете во длабоко масло.
НАПОМЕНА
Пржете во помал сад и да собира во него најмногу 5 фритули, ( поекономично е во мал сад) Температурата не треба да е многу јака, 175 степени е идеалната температура на маслото во кое ќе се пржат. Тие сами ќе се превртуваат кога се пржат. Некои ќе бидат со убава форма, некои ќе испукаат. На крајот јас добив и некои видови од животинското царство... вината е моја - многу замесив.