Зелени елегантни штангли - од розен кори, фстаци, ореви
Состојки
- 1 паковање готови розен кори
- 400гр бело чоколадо
- 400мл слатка павлака
- 200гр мелени несолени фстаци
- 170гр мелен орев
- малку зелена прехрамбена боја
Подготовка
Малку е да речам дека се совршени, како на изглед така и на вкус.Топло ви ги препорачувам.
Во касерола над пареа се растопува белото чоколадо. За тоа време се мелат фстаците - не солени и оревите.
Се трга на страна и се додава слатката павлака.
Убаво се промешува да се соединат. По желба се додава 1-2 лажици шеќер во прав. Одма се додаваат фстаците и оревите. Се промешшува убаво. За малку поинтензивна зелена боја, јас на врвот на ножот додадов малку зелена прехрамбена боја.
Се зема лист розен кора, се става 2 лажици фил, убаво се размачкува, повторно кора, фил, се додека се истроши материјалот.
Најгорната кора не се премачкува. Се поставува фолија и врз неа некој тежок предмет. Нека одстои така 3-4 часа. Потоа се сечи на штангли и се сервира.
Совет - садот со филот нека ви стои над тенџере со топла вода за да не се стегни многу филот, така полесно ќе може да се нанеси на корите.