Видео рецепт: Валентајн колачи за вљубени
Состојки
- готов пандишпан
- За КРЕМ ќе ви треба:
- 4 белки
- 6 лажици шеќер
- малку рум
- екстракт од ванила
- 250 гр. маскарпоне
- За ПРЕЛИВ ќе ви треба:
- 240 гр. млечно чоколадо (може и бело)
За сите вљубени, Фичо ќе приготви вкусен кремав колач со готов пандишпан. Лесен и брз рецепт за да го изненадите партнерот, совршен дури и за оние кои се почетници во кујна.
Подготовка
Чекор 1: Од готовиот пандишпан исечете форми со модла за колачиња. Количината на колачињата и пандишпанот е по ваша желба.
Чекор 2: За кремот изматете ги белките со шеќерот и додадете рум за да го оформите вкусот. Оставете го кремот во фрижидер да се зацврсне. Извадете го од фрижидер и додадете го маскарпонето. Измешајте ги убаво да се соединат.
Чекор 3: Филувајте ги колачите: пандишпан, фил, пандишпан. Големината на колачите е по ваша желба.
Чекор 4: Растопете го чоколадото, колачите наредете ги на решетка и прелејте ги со чоколадо. Можете да користите и бело чоколадо по желба.
Чекор 5: Сервирајте!
СОВЕТ: Доколку сакате колачите можете да ги декорирате со чоколадни трошки, срциња, или по ваша желба.